300            TESTAMENTS ENREGISTRÉS AU PARLEMENT DE PARIS          (540)
en ce voyage faisant, on trouvera tres grant nombre de povres, et vueil que en chascun bassin des prisonniers de Chastellet et du Palais on mette un petit blanc, et pareillement à l'entrée de l'Ostel Dieu et à l'issue où il y a reliques, et un autre petit blanc aux reliques de la Saincte Chapelle.
Item, le samedi, veille de Pasques, à Saint Berthelemi de la Cité, à Nostre Dame des Voltes, à Saint Pierre des Àrsiz, à Saincte Croix de ia Cité, à la Magdelaine, à Saint Denis de la Chartre, à Saint Sypho-rian, a Saint Landry, à Saincte Marine, à Saint Pierre aux Beufs, à Saint Christophle, à Saincte Genevieve de la Cité, à Saint Julian, de là oultre à Saint Bernart,à Saint Nicolas du Chardonneret (sic), aux Bons Enfans de Saint Victor, aux Carmes, à Saint Hylaire, à Saint Estienne pres de Saincte Genevieve, à Saincte Genevieve, à Saint Estienne des Grés, aux Jacobins, à Saint Jehan de l'Ospital, à Saint Benoist,aux Maturins, à Saint Yves, à Saint Germain le Vieil, à Saint Marsal, à Saint Eloy, et de là en la Saincte Chapelle offrir un petit blanc aux reliques.
Item, le jour de Pasques, que on voise au Palais offrir aux dictes reliques un petit blanc et que on s'en retourne par Saint Bon, et de là à Saint Merry, et que depuis l'issue de l'eglise de Saint Jaques de la Boucherie jusques au dit Saint Bon et jusques à Saint Merry, et dedens ycelles eglises de Saint Bon et de Saint Merry on donne à chascun povre un denier, et aussi aux reliques de Saint Bon et l'euvre de Saint Merry un grant blanc de huit deniers, et autant à l'offrande de la grant messe ou cuer.
Item, le lundi l'endemain de Pasques, que on voise à Nostre Dame des Champs, et de là à Saint Soupplice, et à Saint Germain des Prez, et que pareillement à chascun povre que l'en trouvera ou chemin et es dictes eglises, on donne un denier, et que, pour ce faire plus legie-rement, l'en face changer vint frans en Parisis aux maistres des mon­noyes, ou à ceulx qui en auront la puissance ; et, pour ce faire, fauldra que les vint frans en coustent un franc, ou vint solz Parisis, qui sera sur le fait de l'execucion, oultre les seze livres.